![Ուկրաինայի ԶՈՒ-ն աստիճանաբար շրջափակում է ռուսական ուժերը Բախմուտում. ISW](https://auroranews.am/storage/img/base_image/old/663c0be2e4f6ce346cf8447431b78852.webp)
Ուկրաինայի ԶՈՒ-ն աստիճանաբար շրջափակում է ռուսական ուժերը Բախմուտում. ISW
![Ուկրաինայի ԶՈՒ-ն աստիճանաբար շրջափակում է ռուսական ուժերը Բախմուտում. ISW](https://auroranews.am/storage/img/base_image/old/663c0be2e4f6ce346cf8447431b78852.webp)
Ըստ ամենայնի, Ուկրաինայի զինված ուժերին աստիճանաբար հաջողվում է շրջափակել ռուսական ուժերը Բախմուտի շրջակայքում․ գրում է Պատերազմի ուսումնասիրման ամերիկյան ինստիտուտը (ISW):
«Վերջին օրերին ինչպես ուկրաինական, այնպես էլ ռուսական աղբյուրները հայտնել են, որ Ուկրաինան ամրապնդում է դիրքերը Բախմուտի շրջանում և դրա հարավ-արևմտյան թևերում, ներառյալ տեղանքը, որը կարող է ուկրաինական ուժերին կրակային առավելություն տալ», - գրում են ISW-ի վերլուծաբանները:
Այս ուղղությամբ ուկրաինական հակահարձակումը կարող է իսկապես սպառնալ Բախմուտի ռուսական վերահսկողությանը, սակայն դեռ վաղ է քաղաքի ազատագրումը կանխատեսելը, ընդգծվում է զեկույցում։