Շոյգուն հայտարարել է ՌԴ-ի պատասխանի մասին՝ ԱՄՆ-ի` Ուկրաինային կասետային ռումբեր մատակարարելու դեպքում
Պաշտպանության նախարար Սերգեյ Շոյգուն լրագրողներին տված հարցազրույցում ասել է, որ եթե ԱՄՆ-ն կասետային զինամթերք մատակարարի Ուկրաինային, ապա Ռուսաստանի զինված ուժերը ստիպված կլինեն նմանատիպ զենք կիրառել ուկրաինացի զինվորականների դեմ։ Նրան մեջբերում է ՏԱՍՍ-ը։
Նախարարի խոսքով, Ռուսաստանը զինված է կասետային զինամթերքով «բոլոր առիթների համար, ինչպես ասում են»։ Սակայն գիտակցելով, թե ինչ վտանգ է ներկայացնում այդ զենքը խաղաղ բնակչության համար, Մոսկվան միշտ ձեռնպահ է մնացել և ձեռնպահ է մնում դրանց օգտագործումից
«Միևնույն ժամանակ, դրանք շատ ավելի արդյունավետ են, քան ամերիկյանները, դրանց շրջանակն ավելի լայն է և բազմազան»,- ընդգծել է պաշտպանության գերատեսչության ղեկավարը։
