ՏԵՍԱՆՅՈՒԹ. Պաշտպանության նախարարն այցելել է զորամասեր

Զինծառայողների ատեստավորման գործընթացին հետևելու նպատակով հուլիսի 11-ին պաշտպանության նախարար Սուրեն Պապիկյանն այցելել է նաև ՊՆ այլ զորամասեր, որտեղ ատեստավորման հերթական քննության շրջանակում զինծառայողները ստուգարքներ էին հանձնում շարային պատրաստություն, կրակային պատրաստություն առարկաներից և մասնագիտական գիտելիքների ու ծառայողական պարտականությունների իմացությունից: Այս մասին հայտնում է ՀՀ Պաշտպանության նախարարությունը:
 

Զրուցելով զինծառայողների հետ` Սուրեն Պապիկյանը նրանց մաղթել է բարեհաջող քննություններ ու բարձր արդյունքներ։
 

Պաշտպանական գերատեսչության ղեկավարը ևս մեկ անգամ տեղեկացրել է, որ այն զինծառայողներին, որոնք չեն կարողանա հաղթահարել սահմանված նշաձողը, հնարավորություն կընձեռվի՝ ավելի լավ պատրաստվելու և կրկին ատեստավորվելու։
 

Ատեստավորման հանձնաժողովի նախագահ, ԶՈՒ ԳՇ պետի առաջին տեղակալ, գեներալ-լեյտենանտ Կամո Քոչունցը նախարարին զեկուցել է քննությունների ընթացքի և առաջին երկու օրերի նախնական արդյունքների վերաբերյալ։

[5513a6fc5ec24e4beade06b4f2c7a4c3.jpg]

[5e35ad8381e5ed3e28cf2d91db8da521.jpg]

[10e4be59ca6a144d348ea4e211c60a7b.jpg]

[cb3798bf8f104ddad80e425fcb58ae7c.jpg]

[b8e899ab9cbfdec0df7633a4f9eea4c6.jpg]

[13fa6501c6ce31aa44715a3590c607a2.jpg]

[3aeed5b0f62fbd95a97b04c6070d11b7.jpg]

[42d9ccae7086e4792c764af09a062364.jpg]

[5561b8c9f20e883c347b3b18082329bf.jpg]

[d765c1d48a5339d656781384aa02f679.jpg]

[c42676b29710c04a51d8fe46ea80c4cd.jpg]