ՏԵՍԱՆՅՈՒԹ. Ֆրանսիայում գիշերվա ընթացքում բերման է ենթարկվել ավելի քան 471 մարդ
Ֆրանսիայում ամբողջ գիշեր անկարգությունները շարունակվել են: Ցուցարաները հրկիզել են տներ ու մեքենաներ, ինչպես նաև ջարդել ու թալանել են խանութներ։
Ներքին գործերի նախարարությունը մոտ 45 հազար անվտանգության աշխատակիցների է ներգրավել ցույցերը ճնշելու համար։ BFMTV-ի տվյալներով՝ հունիսի 30-ի դրությամբ բերման է ենթարկվել 471 մարդ։ Միաժամանակ նշվում է, որ ընդհանուր առմամբ այս գիշերը նախորդից ավելի հանգիստ է եղել:
Հեռուստաալիքը հավելում է, որ երեկ երեկոյան Մարսելում զենքի պահեստ է թալանվել։ Գողացել են մի քանի ատրճանակներ: Մի քանի քաղաքներում ցուցարարները շարունակել են թալանել խանութները, հրավառություն անել ոստիկանության ուղղությամբ, այրել աղբն ու մեքենաները։
Հիշեցնենք` հունիսի 27-ին Նանտերում 17-ամյա վարորդը հրաժարվել է ենթարկվել ճանապարհային ոստիկանությանը և սպանվել է ոստիկանի կրակոցից։ Նրա մահը անկարգություններ է առաջացրել Նանտերում, որոնք հետո տարածվեցին Ֆրանսիայի այլ կոմունաներում և խոշոր քաղաքներում, ինչպիսիք են Դիժոնը, Լիլը, Լիոնը, Մարսելը, Ստրասբուրգը և Թուլուզը:
