ԼՈՒՍԱՆԿԱՐՆԵՐ. Դիտահորերի խցանման պատճառով անձրևաջրերը ողողել են Երևան-Էջմիածին ավտոճանապարհը
Այսօր՝ հուլիսի 11-ին, տեղացած հորդառատ անձրևի հետևանքով արտակարգ իրավիճակ է ստեղծվել Երևան-Էջմիածին ավտոճանապարհի Փարաքար գյուղի Երևանյան փողոցում։ Այս մասին հայտնում է shamshyan.com-ը:
Դիտահորերի խցանման պատճառով անձրևաջրերը ողողել են ողջ ճանապարհը, ինչի հետևանքով երթևեկությունը դարձել էր դժվարանցանելի։
«Հենց անձրև է գալիս, այս մոտ 2 կմ-անոց ճանապարհը դառնում է անանցանելի։ Չգիտես էլ՝ ում դիմես՝ Երևանի քաղաքապետարանին, թե Արմավիրի մարզպետարանին, ոչ մի օգուտ։
Ուզում ենք իմանանք, թե ի վերջո՝ ո՞ր կառույցն է պատասխանատու։ Հիմա լավ էր, անձրևը քիչ եկավ։ Բայց երբ առատ տեղումներ են լինում, էս Երևանյան փողոցը դառնում է մինի Վենետիկ, ավտոների փոխարեն պետք է նավակներով շարժվենք»,- ասել են քաղքացիները
Ըստ լրատվականի քաղաքացիները պահանջում էին, որպեսզի վերջապես՝ կա՛մ Երևանի քաղաքապետարանը, կա՛մ Արմավիրի մարզպետարանը «Վեոլիա Ջրին» պարտավորեցնեն, որ այս խնդիրը լուծեն։
