«Հայկական կողմը պետք է ամրագրի իր խոսքերը թղթի վրա»․ Ալիև
Ադրբեջանի նախագահ Իլհամ Ալիևը հայտարարել է, որ միջազգային իրավունքի նորմերի ու սկզբունքների հիման վրա կարելի է խաղաղության պայմանագիր կնքել Հայաստանի հետ։
«Մենք ցանկանում ենք խաղաղության պայմանագիր, սակայն, նորից եմ ասում, ամեն ինչ չէ, որ կախված է մեզանից, հակառակ կողմը նույնպես պետք է պատրաստ լինի դրան և պետք է թղթի վրա փոխանցի բառերով ասված սկզբունքները»,- ասել է Իլհամ Ալիևը։
Կարևորելով Հայաստանի դիրքորոշման դրական առաջընթացը՝ նա նաև նշել է.
«Եթե անցյալ տարվա հոկտեմբերին Հայաստանը ճանաչեց Ադրբեջանի տարածքային ամբողջականությունը, ինքնիշխանությունը և սահմանները, ապա այս տարվա մայիսին ավելի հեռուն գնաց՝ պաշտոնապես ճանաչելով Ադրբեջանի տարածքի պարամետրերը, այդ թվում՝ Ղարաբաղը և անկլավ գյուղերը։ Սա պետք է դիտարկել որպես դրական փաստ։ Հիմա եկել է ժամանակը, որ այս նույն խոսքերն ամրագրվեն թղթի վրա, ստորագրություններ դրվեն, հարաբերություններ հաստատվեն։ Ամեն դեպքում՝ մենք շարունակելու ենք մեր ջանքերն այս ուղղությամբ»։
Ավելի վաղ հայտնել էինք, որ հուլիսի 11-ին՝ ժամը 17:35-ին, ադրբեջանական ստորաբաժանումները տարբեր տրամաչափի հրաձգային զենքերից կրակ են բացել Տեղի և Սև լճի հատվածում տեղակայված հայկական դիրքերի ուղղությամբ:
