Կրեմլը Եվրոպային զգուշացրել է ՆԱՏՕ-ին Ուկրաինայի անդամակցության հետևանքների մասին
Ուկրաինայի անդամակցությունը ՆԱՏՕ-ին շատ բացասական հետևանքներ կունենա եվրոպական անվտանգության ճարտարապետության համար, հայտարարել է ՌԴ նախագահի մամուլի խոսնակ Դմիտրի Պեսկովը։
«Դուք գիտեք Ռուսաստանի Դաշնության միանգամայն հասկանալի և հետևողական դիրքորոշումն այն մասին, որ Ուկրաինայի անդամակցությունը ՆԱՏՕ-ին շատ, շատ բացասական հետևանքներ կունենա Եվրոպայի առանց այն էլ քայքայված անվտանգության ճարտարապետության համար և բացարձակ վտանգ, սպառնալիք մեր երկրի համար»,- ասել է Պեսկովը։
Անցյալ շաբաթ բրիտանական The Telegraph թերթը, հղում անելով ՆԱՏՕ-ի աղբյուրներին, հայտնել էր, որ հուլիսի 11-12-ին Վիլնյուսում դաշինքի գագաթնաժողովում Գերմանիան մտադիր է հետաձգել Ուկրաինայի մուտքը ՆԱՏՕ՝ մտավախությունների պատճառով, որ այդ քայլը կարող է հանգեցնել պատերազմի։
Բացի այդ, Financial Times-ը գրել է, որ ԱՄՆ-ը և Գերմանիան գտնվում են ՆԱՏՕ-ի դաշնակիցների ճնշման տակ՝ Ուկրաինային դաշինք մտնելու հարցում անբավարար աջակցության պատճառով։ Երկուշաբթի օրը Գերմանիայի և ԱՄՆ-ի կողմից դաշինք Ուկրաինայի պաշտոնական մուտքի արգելափակման մասին տեղեկությունը հաստատել են գերմանական Bild հրատարակության աղբյուրները։
