Հունգարիան Ադրբեջանի հետ գազի գնման պայմանագիր է կնքել
Հունգարիան Ադրբեջանի հետ գազի գնման պայմանագիր է կնքել՝ չսպասելով Բալկաններում ենթակառուցվածքների զարգացման համար ԵՄ-ի կողմից ֆինանսական միջոցների հատկացմանը: Այս մասին հայտարարել է Հունգարիայի ԱԳ նախարար Պետեր Սիյարտոն։
Նրա խոսքով` Հունգարիայի համար Ադրբեջանը «դիվերսիֆիկացիայի առավել ակնհայտ աղբյուրներից մեկն է», սակայն Հարավարևելյան Եվրոպայի գազատարների համակարգը թույլ չի տալիս իրականացնել մատակարարումների մեծ ծավալներ:
Հունգարիայի ԱԳ նախարարը նաև հավելել է, որ Բուդապեշտն ու Բաքուն «մոտ են 50 մլն խմ գազ պահուստավորելու մասին պայմանագրի կնքմանը»:
