Ռուսական բանակի գեներալ Վալերի Գերասիմովը հեռացվել է Ուկրաինայում զորքերի հրամանատարի պաշտոնից։ Այս մասին գրում է Daily Mail-ը՝ հղում անելով աղբյուրներին։

Ենթադրվում է, որ նրա փոխարեն գեներալ Մաքսիմ Տեպլինսկին է նշանակվել։ Միաժամանակ, ինքը՝ Գերասիմովը, կմնա ՌԴ ԶՈՒ գլխավոր շտաբի պետի պաշտոնում։

Հրատարակության տվյալներով՝ կադրային փոփոխություններ են տեղի ունեցել Ազովի հրամանատարների՝ Ուկրաինա վերադառնալուց հետո։ Առայժմ այս տեղեկատվության պաշտոնական հաստատում չկա։