Մակրոնը կհանդիպի 220 քաղաքապետերի հետ․ 45,000 ոստիկաններ կտեղակայվեն Ֆրանսիայում․ նոր մանրամասներ
Ֆրանսիայի նախագահ Էմանուել Մակրոնը վաղը՝ հուլիսի 4-ին հանդիպելու է Ֆրանսիայի 220 քաղաքապետերի հետ,որտեղ այս օրերին տեղի են ունենում զանգվածային անկարգություններին։ Այս մասին հատնում է France 24-ը։
Նշվում է, որ երեկ՝ հուլիսի 2-ին, կիրակի օրը, Ներքին գործերի նախարար Ժերալդ Դարմանինը հայտարարել է՝ 45,000 ոստիկան և ժանդարմներ կտեղակայվեն ամբողջ Ֆրանսիայում՝ ձգտելով ճնշել բռնի անկարգությունները։
Աղբյուրը գրում է, որ կազմակերպվող անկարգությունները կարող են վնասել Ֆրանսիայի միջազգային հեղինակությանը։
Հաղորդվում է նաև, որ կիրակի օրվա ընթացքում Ֆրանսիայում ձերբակալվել է 78 ցուցարար, ինչը զգալիորեն զիջում է նախորդ օրվա 719 ձերբակալությունների թվին: Ընդհանուր առմամբ ձերբակալվել է ավելի քան 3000 մարդ: Ցույցերի ժամանակ վիրավորվել են հարյուրավոր ոստիկաններ ու հրշեջներ, տուժել են շենքեր ու շինություններ, այրվել մեքենաներ։
Հիշեցնենք՝ Ֆրանսիայում ոստիկանի գնդակից զոհված 17-ամյա տղայի ընտանիքի հարազատներից մեկը հանրահայտ BBC-ին տված հարցազրույցում նշել էր, որ այն մարդիկ, որոնք այս օրերին զանգվածային անկարգություններ են կազմակերպում Ֆրանսիայի տարբեր քաղաքների փողոցներում՝ նրանք անարգում են զոհված տղայի վառ հիշատակը։
