Վրաստանը կարող է արդյունավետ միջնորդ հանդիսանալ Բաքվի և Երևանի միջև․ Ղարիբաշվիլի
Վրաստանը ցույց է տվել, որ ունակ է արդյունավետ միջնորդ հանդիսանալ հայ-ադրբեջանական հարաբերություններում եւ անհրաժեշտության դեպքում միանալ գործընթացին։ Այս մասին երկրի խորհրդարանում հայտարարել է Վրաստանի վարչապետ Իրակլի Ղարիբաշվիլին։
«Երկու տարի առաջ առաջին կոնկրետ արդյունքները գրանցեցինք Հայաստանի և Ադրբեջանի միջև շփումներում։ Այդ ժամանակ ես անձամբ էի մասնակցում։ Եվ այդ միջնորդի դերն ավարտվեց կոնկրետ արդյունքով»,-ասել է նա։
«Ուզում եմ ևս մեկ անգամ հրապարակավ հաստատել մեր պատրաստակամությունը՝ միանալու երկու երկրների, մեր բարեկամների միջև գործընթացին։ Դա շատ կարևոր ուղղություն է»,-հավելել Ղարիբաշվիլին։
2021 թվականի հունիսին Վրաստանի միջնորդությամբ Ադրբեջանն ազատ արձակեց 15 հայ գերիների, իսկ Հայաստանն ադրբեջանական կողմին փոխանցեց ականապատ դաշտերի քարտեզները։
