«Ադրբեջանն ուզում է, որ սոված մարդիկ Արցախում փողոց դուրս գան ու իրենցից ուտելիք ուզեն». ադրբեջանագետ
Ադրբեջանագետ Տաթևիկ Հայրապետյանը, «24TV»-ի եթերում անդրադառնալով ադրբեջանական սադրանքներին ու այդ երկրի ռազմաքաղաքական ղեկավարության հայտարարություններին, ասել է.
«Երկու օր առաջ Ադրբեջանի Պաշտպանության նախարարը հարցազրույց էր տվել ու ասել, որ մեկ ոչ ամբողջական կորպուսը բավական է, որ զինաթափեն Արցախի ՊԲ-ը, և որ այն իրենց համար որևէ սպառնալիք չի ներկայացնում»:
Նրա խոսքով՝ ադրբեջանցիները «բարկանում են», որ չեն կարողանում Արցախում հասնել իրենց նպատակին ու «փականն» ավելի են սեղմում.
«Իրենք տարբեր մեդիառեսուրսներով գրում են, որ ուզում են սոված մարդիկ դուրս գան Ստեփանակերտի փողոցներ ու Ադրբեջանից ուտելիք ուզեն»,- նշել է նա:
