ՏԵՍԱՆՅՈՒԹ. Ծառուկյանը հրաժարվեց պատասխանել լրագրողների հարցերին

Բոլորը ավարտված է, ես երկու օր առաջ բոլոր հարցերին պատասխանել եմ: Դատարանի բակում պատասխանելով լրագրողների այն դիտարկմանը, թե ելույթը դատարանում չի ավարտել՝ ասաց ԲՀԿ առաջնորդ Գագիկ Ծառուկյանը:

Հայտնել էինք, որ «Բարգավաճ Հայաստան» կուսակցության նախագահ Գագիկ Ծառուկյանի և «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանի վերաբերյալ գործով դատական նիստի ժամանակ Ծառուկյանի ու դատախազ Դավիթ Աղաջանյանի միջև լեզվակռիվ է սկսվել: 

Հիշեցնենք, որ Գագիկ Ծառուկյանին և Սեդրակ Առուստամյանին մեղադրանք է առաջադրվել նախկին Քրեական օրենսգրքի 154.2-րդ հոդվածի 2-րդ մասով (ընտրողներին կաշառք տալը)։ Ըստ դատախազության` դեպքը տեղի է ունեցել ՀՀ ԱԺ 2017 թվականի ապրիլի 2-ի ընտրությունների ժամանակ։ Կաշառքը տրվել է կոնկրետ թեկնածուի օգտին քվեարկելու համար։

2023 թվականի ապրիլի 21-ին հսկող դատախազի կողմից հաստատված մեղադրական եզրակացությունը վարույթի նյութերի հետ հանձնվել է Հակակոռուպցիոն դատարան:

Մայիսի 2-ին հայտնի դարձավ, որ Հակակոռուպցիոն դատարանը վարույթ է ընդունել Ծառուկյանի և Առուստամյանի վերաբերյալ գործը։