ՏԵՍԱՆՅՈՒԹ․ Բողոքի ցույց և վառված անվադողեր՝ Իսրայելում․ կան ձերբակալվածներ
Ձերբակալվածներ, փշալարեր ու վառված անվադողեր՝ Իսրայելի փողոցներում։ Կառավարության դատական համակարգում կատարված փոփոխությունների դեմ այսօր՝ հունիսի 27-ին, քաղաքացիները ցույց են կազմակերպել՝ արդարադատության նախարար Յարիվ Լևինի տան մոտ։ Այս մասին հայտնում է The Israel times-ը։
Բողոքի ցույցերի ժամանակ ոստիկանությունը ձերբակալել է ցուցարարներից վեցին՝ նախարարի տան դիմաց անվադողեր այրելու համար։ Նշվում է, որ ցուցարարները փորձել են ճանապարհ փակել, որից հետո ծեծկռտուք է սկսվել։
Ամեն բան այնքան է սաստկացել, երբ ցուցարարները փշալարեր են դրել փողոցում։ Ոստիկանները փորձել են բռնի ուժով հեռացնել նրանց: Բողոքողներն էլ խոստացել են, որ հետագայում սպասվող ցույցերն ավելի դաժան են լինելու։
