ՏԵՍԱՆՅՈՒԹ. Փաստաբանները բռնցքամարտիկի ձեռնոցներ նվիրեցին ոստիկանության կենտրոնի պետին
Փաստաբաններն այսօր՝ հունիսի 26-ին, բռնցքամարտի ձեռնոցներ են «նվեր» տարել Կենտրոնի ոստիկանապետի համար:
Փաստաբանները Փաստաբանների պալատի շենքից երթով շարժվել էին Ոստիկանության Կենտրոնի բաժանմունք: Նրանց ձեռքին պաստառներ են՝ «ոչ բռնությանը», «բռնարարը ոստիկան չէ» գրություններով:
Նշենք, որ փաստաբանները մեկօրյա գործադուլ են հայտարարել՝ իրենց բողոքի ձայնը բարձրացնելու համար փաստաբանների նկատմամբ ոստիկանների կողմից կիրառված բռնությունների դեպքերին:
Հիշեցնենք, որ հունիսի 7-ին փաստաբան Կարեն Ալավերդյանը ոստիկանական բաժանմունքում ոստիկանների կողմից բռնության էր ենթարկվել այն բանից հետո, երբ փորձել է կանխել իր պաշտպանյալի նկատմամբ ոստիկանների բռնությունը։
Ավելի վաղ այդպիսի բռնության դեպք էր տեղի ունեցել նաեւ փաստաբաններ Մարզպետ Ավագյանի ու Էմանուել Անանյանի նկատմամբ: Դեպքը տեղի էր ունեցել ոստիկանության Էրեբունու բաժնում, որտեղ փաստաբանները ներկայացնում էին իրենց անչափահաս պաշտպանյալի շահերը։
Մանրամասները` տեսանյութում:
