Հաղթանակ՝ 5-0 հաշվով․ Աշխարհի փոխչեմպիոն Դավիթ Չալոյանի մեկնարկը՝ Եվրոպական խաղերում

Բռնցքամարտի աշխարհի փոխչեմպիոն Դավիթ Չալոյանը վստահ հաղթանակով մեկնարկեց Լեհաստանում ընթացող Եվրոպական ամառային երրորդ խաղերում:

1/16 եզրափակչում 25-ամյա գյումրեցի բռնցքամարտիկը մենամարտեց Սերբիան ներկայացնող Վլադան Բաբիչի հետ և երեք ռաունդներում ունենալով նկատելի առավելություն` հաղթեց մրցավարների միաձայն որոշմամբ՝ 5-0:

«Առաջին մենամարտն էր. բավական բարդ ստացվեց, բայց ուրախ եմ, որ կարողացա հաջողությամբ ավարտել ու հաղթանակի հասնել: Ծանոթ էի սերբ մրցակցին ու դա ինձ շատ օգնեց»,- մենամարտից հետո ասել է Չալոյանը: