Խորտակված սուզանավի ուղևորները մահացել են առանց ցավ զգալու․ նոր մանրամասներ

Խորտակված Titan բատիսկաֆի ուղևորները մահացել են առանց ցավ զգալու։ Այս մասին գրում է Iz.ru-ն՝ վկայակոչելով CNN-ին։

Ջրասուզակի ոչնչացումը տեղի է ունեցել «աներևակայելիորեն արագ»՝ միլիվայրկյանների ընթացքում։ Փորձագետները նաև հայտնել են, որ դժվար թե հաջողվի հայտնաբերել զոհվածների մարմինները: 

Նշենք, որ The Wall Street Journal-ը՝ վկայակոչելով որոնողական աշխատանքներին մասնակցած պաշտոնյաներին` ավելի վաղ գրել էր, որ ԱՄՆ ռազմածովային ուժերը սուզվելուց անմիջապես հետո ձայնագրել են բաթիսկաֆի կորպուսի կործանման ձայնը։ Խորտակված սուզանավում 5 մարդ է եղել։