Կաթնախառնուրդներ՝ արցախցի փոքրիկների համար․ բողոքի ակցիա՝ ՄԱԿ-ի հայաստանյան շենքի մոտ
Մի խումբ քաղաքացիներ, ի աջակցություն Արցախի, այսօր՝ հունիսի 23-ին, բողոքի ակցիա են արել ՄԱԿ–ի հայաստանյան գրասենյակի մոտ։ Նրանք կաթնախառնուրդներ են տարել ու դրել շենքի դիմաց։ Ըստ քաղաքացիների՝ այն նախատեսված է արցախցի փոքրիկների համար, որոնք տոտալ շրջափակման պայմաններում առանց սննդի են մնացել։
«Մենք տեսնում ենք, որ տարբեր երկրներում իրենք մեծ դեր ու նշանակություն ունեն, բայց մեր երկրում իրենք անտարբեր են, մեր ազգի հանդեպ անտարբեր են։ Լինելով այստեղ, ունենալով իրենց գրասենյակը, պարտավոր են մի բան ձեռնարկել»,– նշել է Ազգային ժողովի նախկին պատգամավոր Սոֆյա Հովսեփյանը` դիմելով ՄԱԿ–ի հայաստանյան գրասենյակի պատասխանատուներին։
Նշենք, որ այս պահին ակցիայի մասնակիցները սպասում են, որ ՄԱԿ–ի գրասենյակից ներկայացուցիչներ դուրս գան, հանդիպեն իրենց հետ և խոստանան, որ կաթնախառնուրդներն Արցախ կհասցվեն։
