Տղամարդը կացնով հարձակվել է չինական ռեստորանների վրա․ կան տուժածներ

Նոր Զելանդիայի ամենամեծ քաղաքաներից մեկում՝ Օքլենդում, կացնով զինված տղամարդը հարձակվել է չինական ռեստորանների վրա։ Ըստ ոստիկանութան՝ զինված հարձակման հետևանքով առնվազն չորս մարդ է վիրավորվել։ Այս մասին հայտնում է Al Jazeera-ն։

Դեպքը տեղի է ունեցել երեկ՝ հունիսի 19-ին՝ ուշ երեկոյան։ Հաղորդվում է, որ երեք տուժածները շարունակում են մնալ հիվանդանոցում։ Բժիշկները տուժածների վիճակը գնահատում են կայուն։ Չորրորդ վիրավորն էլ դուրս է գրվել հիվանդանոցից։ 

Տեղական լրատվամիջոցները հաղորդում են, որ տղամարդը մտել է չինական 3 ռեստորան և սկսել հարձակվել մարդկանց վրա։ 

Ականատեսներից մեկը թերթերից մեկին հայտնել է, որ ինքն ու իր ընկերները ռեստորանում ճաշելիս են եղել, երբ տղամարդը հարձակվել ու սկսել է կացնով հարվածներ հասցնել։

«Ես փորձում էի պաշտպանվել։ Նա էլ փորձում էր թիրախավորել գլուխս։ Ես շոկի մեջ էի։ Մենք իսկապես վախեցել էինք» ,- ասել է տղամարդը։ 

Ականատեսները նաև պամել են, որ տղամարդը դրանից հետո դուրս է եկել ռեստորանից և քայլել դեպի մեկ այլ ռեստորան։ Ոստիկանները հենց տեղում ձերբակալել են ենթադրյալ հանցագործին, որն ըստ նախնական տեղեկությունների` 24 տարեկան է: