Դաժան բախումներ՝ Արգենտինայում․ կա 90-ից ավելի տուժած
Դաժան բախումներ, վիրավորներ ու բերման ենթարկվածներ՝ Արգենտինայում։ Արգենտինայի հյուսիսում գտնվող ԺուԺույի նահանգում բախումներ են եղել ոստիկանության և ցուցարարների միջև։ Այս մասին հայտնում է Buenos Aires Times-ը։
Ցուցարարները ներխուժել են նահանգի օրենսդիր ժողովի շենք՝ ցանկանալով խանգարել տարածաշրջանի նոր սահմանադրության ընդունման արարողությունը։ Քաղաքացիները կարծում են, որ դրանք սահմանափակում են իրենց սոցիալական իրավունքները:
Այս ամենն, ավելի ուշ, վերածվել է անկարգության։ Ակտիվիստները քարեր են նետել անվտանգության ուժերի վրա։ Նրանք էլ ի պատասխան ցուցարարների անկարգությունների՝ արցունքաբեր գազ են բաց թողել։
Տեղի իշխանությունների տվյալներով՝ տուժածները բուժհաստատություններ են դիմել կտրած վերքերով, աչքերի վնասվածքներով և կոտրվածքներով։ Առողջապահության նախարարությունն էլ հայտնում է, որ քաղաքում տեղի ունեցած իրադարձությունների հետևանքով հիվանդանոցների և շտապօգնության ծառայությունների բժիշկները առաջին բուժօգնություն են ցույց տվել 96 մարդու, այդ թվում՝ նահանգի ոստիկանության 66 աշխատակիցների։ Անկարգություններին մասնակցելու համար բերման է ենթարկվել 58 մարդ։
