Հունաստանից մինչև Մարսել. հայտնի է՝ երբ կիրականացվի Փարիզի Օլիմպիական խաղերի կրակի հանդիսավոր վառման արարողությունը
Ֆրանսիայի ժայռոտ Մոն Սեն Միշել կղզուց մինչև ֆրանսիական Կարիբյան կղզիներ ու Վերսալյան պալատ։ 2024 թվականի Փարիզի Օլիմպիական խաղերի կազմակերպիչներն այսօր՝ հունիսի 23-ին, հայտարարեցին օլիմպիական խաղերի խորհրդանիշ հանդիսացող ջահի փոխանցումավազքի երթուղին։ Այս մասին հայտնում է France 24-ը։
Պարբերականը հայտնում է, որ ջահը կվառվի Հունաստանի Օլիմպիայում՝ եկող տարվա ապրիլի 16-ին, հետո, արդեն մայիսի 8-ին, նավով կտեղափոխվի Մարսելի նավահանգիստներից մեկը և կանցնի 400 քաղաքներով։ Արդեն հուլիսի 16-ին այն կժամանի Փարիզ՝ բացման արարողության համար:
