Անոմալ շոգեր՝ Հնդկաստանում․ 96 մարդ է մահացել
Անցնող օրերին Հնդկաստանում անոմալ շոգեր են գրանցվել։ Մի քանի օրվա ընթացքում 96 մարդ է մահացել։ Այս մասին հայտնում է The Guardian պարբերականը։
Մահերը գրանցվել են ինչպես հյուսիսային Ուտար Պրադեշ նահանգում, այնպես էլ՝ արևելյան Բիհարում։ Նշենք, որ տեղի իշխանությունները, 60 տարեկանից բարձր քաղաքացիներին, ինչպես նաև քրոնիկ հիվանդություններով տառապող մարդկանց, հորդորել էին ցերեկային ժամերին մնալ տանը:
Հաղորդվում է նաև, որ մահացածների մեծ մասը տարեցներն են: Վերջին երեք օրվա ընթացքում մոտ 300 հիվանդներ են տեղափոխվել հիվանդանոցներ:
Պարբերականը հայտնում է նաև, որ կիրակի օրը Ուտար Պրադեշում գրանցվել է առավելագույն 43 աստիճան ջերմաստիճան, որը գերազանցում է նորման։
