Քաղաքականություն

Ուկրաինայում խաղաղությունը չպետք է լինի Ռուսաստանի կողմից պարտադրված գործարք. Ստոլտենբերգ

Ուկրաինայում խաղաղությունը չպետք է լինի Ռուսաստանի կողմից պարտադրված գործարք. Ստոլտենբերգ
ՆԱՏՕ-ի գլխավոր քարտուղար Յենս Ստոլտենբերգը կարծում է, որ Ուկրաինայում խաղաղության հասնելու համար ընդունելի պայմաններ պետք է որոշի միայն Կիևը։ Այս մասին նա հայտարարել է Welt am Sonntag թերթին տված…

ՆԱՏՕ-ի գլխավոր քարտուղար Յենս Ստոլտենբերգը կարծում է, որ Ուկրաինայում խաղաղության հասնելու համար ընդունելի պայմաններ պետք է որոշի միայն Կիևը։ Այս մասին նա հայտարարել է Welt am Sonntag թերթին տված հարցազրույցում։ 

«Մենք բոլորս ցանկանում ենք, որ այս պատերազմն ավարտվի, բայց որպեսզի խաղաղությունը երկարաժամկետ լինի, այն պետք է լինի արդար։ 

Խաղաղությունը չի կարող նշանակել հակամարտության սառեցում կամ համաձայնության ընդունում, որի պայմանները կթելադրի Ռուսաստանը: Միայն Ուկրաինան կարող է որոշել ընդունելի պայմանները»,- ասել է Ստոլտենբերգը։ 

ՆԱՏՕ-ի գլխավոր քարտուղարը կարծում է, որ Ուկրաինան  որքան շատ տարածքներ «ազատագրի», այնքան ավելի լավ խաղաքարտեր կունենա բանակցությունների սեղանի շուրջ։ 

Անդրադառնալով երկրի՝ Հյուսիսատլանտյան դաշինք մտնելու հեռանկարներին՝ Ստոլտենբերգն ասել է, որ «Ուկրաինայի ապագան կապված է ՆԱՏՕ-ի հետ, սակայն այժմ առաջնայինը Ուկրաինայի՝ որպես ինքնիշխան ու անկախ պետության ստեղծումն է»։ 

«Հակառակ դեպքում, անդամակցությունը քննարկելու հնարավորություն չի լինի»,- ասել է գլխավոր քարտուղարը։ 


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3201) ԱՄՆ (2273) Ռուսաստան (2072) Իրան (1729) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250