Ֆրանսիան կոչ է արել պաշտպանել Երասխի քաղաքացիական բնակչությանը

Փարիզը կոչ է անում պաշտպանել Երասխի քաղաքացիական բնակչությանը, ասվում է Ֆրանսիայի ԱԳՆ հայտարարության մեջ։

Ֆրանսիան ափսոսանք է հայտնել Երասխում քաղաքացիական բնակչությանը խոցած կրակոցների կապակցությամբ և վերջին օրերին Հայաստանի ու Ադրբեջանի սահմանին տարբեր վայրերում տեղի ունեցած զինված միջադեպերով։

«Կոչ ենք անում զսպվածություն և քաղաքացիական բնակչության պաշտպանություն, ինչպես նաև ամբողջությամբ կատարել միջանցքում երթևեկությունը վերականգնելու մասով միջազգային դատարանի որոշումը։ Ֆրանսիան լիովին համախմբված է խաղաղությունը վերականգնելու համար՝ ի շահ տարածաշրջանի բնակչության», - ասվում է հայտարարության մեջ։