Դնեպրի աղտոտվածությունը նորման գերազանցում է 28 հազար անգամ․ Լյաշկո
Դնեպրի ջրի աղտոտվածությունը նորման գերազանցում է 28 հազար անգամ։ Այս մասին BBC News Ukraine-ին տված հարցազրույցում ասել է Ուկրաինայի առողջապահության նախարար Վիկտոր Լյաշկոն։
Նրա խոսքով՝ Կախովկայից ներքև գտնվող ամբողջ ջրային տարածքը «պիտանի չէ օգտագործման համար»։
«Հետևաբար, արգելվում է լողալը, ձկնորսությունը, այս ջուրը խմելը, անասուններին ջուր տալը: Երբ մարդը լողում է այդպիսի ջրում, կարող են առաջանալ հիվանդություններ՝ խոլերա, հեպատիտ, մակաբույծներ: Մաքրման կառույցներն անցել են ախտահանման արտակարգ ռեժիմների, ջրամատակարարման ցանցում ջրի որակի մոնիտորինգն ուժեղացվել է, որպեսզի բռնկում բաց չթողնենք», - նշել է Լյաշկոն։
Հիշեցնենք՝ հունիսի 6-ին հարձակման հետևանքով փլուզվել է Խերսոնի մարզում գտնվող Կախովկայի հիդրոէլեկտրակայանի ամբարտակը։
