Վաշինգտոնը Ղարաբաղին ստիպում է 3-րդ երկրում հանդիպել Ադրբեջանի ներկայացուցիչների հետ. ՌԻԱ «Նովոստի»
ԱՄՆ-ն ստիպում է Լեռնային Ղարաբաղին հանդիպել Ադրբեջանի հետ, հրաժարվելու դեպքում սպառնում է հակաահաբեկչական գործողությամբ։ Տեղեկությունը հայտնում է ՌԻԱ Նովոստին՝ հղում անելով Վաշինգտոնում դիվանագիտական աղբյուրին։
«Վերջնագրային տեսքով Վաշինգտոնը ստիպում է Լեռնային Ղարաբաղի ներկայացուցիչներին համաձայնել մոտ ժամանակներս «երրորդ երկրում» հանդիպել ադրբեջանական կողմի հետ՝ ամերիկացի համակարգողի մասնակցությամբ։ Նպատակը տարածաշրջանում ԱՄՆ-ի ներդրվելն է»», - հայտնել է գործակալության աղբյուրը։
Նրա խոսքով՝ նման շփումից հրաժարվելու դեպքում Լեռնային Ղարաբաղի ղեկավարությանը սպառնում են տարածաշրջանում ադրբեջանական «հակաահաբեկչական գործողություն» իրականացնելով։
ՌԻԱ Նովոստի գործակալության զրուցակցի խոսքով՝ ամերիկյան «խաղաղապահ նախաձեռնության» լոբբինգ է իրականացնում Լեռնային Ղարաբաղի «արտաքին գործերի նախարար» Սերգեյ Ղազարյանը, որի շահերը «լիովին համընկնում են ադրբեջանականի հետ»։
