Էլեկտրոնիկայի շուկայում վերջին երկու շաբաթվա ընթացքում ավելի ու ավելի են բախվում դեպքերի, երբ Հայաստանի, Ղազախստանի և Հոնկոնգի բանկերը արգելափակում են վճարումները Ռուսաստանի իրավաբանական անձանցից՝ արտաքին տնտեսական գործունեության ապրանքային անվանացանկի (ТН ВЭД) 8542 ծածկագրով, որը ներառում է պրոցեսորներ, միկրոսխեմաներ և այլն։ Այս մասին հաղորդում է «Կոմերսանտը»՝ վկայակոչելով էլեկտրոնիկայի շուկայի իր աղբյուրները:

Դա պայմանավորված է ԱՄՆ պատժամիջոցների տասներորդ փաթեթի սահմանմամբ, որը սպառնում է Ռուսաստանի Դաշնության հետ համագործակցող բանկերին, պարզաբանել է «Ъ»-ի զրուցակիցներից մեկը։ Սահմանափակումները վերաբերում են նաև դրամական միջոցների, ապրանքների կամ ծառայությունների ցանկացած տրամադրման՝ հօգուտ արգելափակված անձի կամ այդպիսի անձի կողմից։

Ինչպես նշում է կայքը, արդյունքում ռուսական ընկերությունները ստիպված կլինեն համակարգիչների, սերվերների, տվյալների պահպանման համակարգերի և այլ տեխնիկայի արտադրության համար անհրաժեշտ բաղադրիչները ներմուծել ТН ВЭД-ի «այլընտրանքային» ծածկագրերով։