Հրաձգության հետևանքով վեց մարդ է վիրավորվել. ԱՄՆ

Ամերիկյան Հյուստոն քաղաքի (Տեխաս նահանգ) գիշերային ակումբի կայանատեղիում հրաձգության հետևանքով վեց մարդ վիրավորվել է, մեկ տղամարդու վիճակը ծանր է, հայտնել է տեղի ոստիկանությունը Twitter-ում։

Ոստիկանության պետ Թրոյ Ֆինների խոսքով՝ հունիսի 11-ին տեղական ժամանակով ժամը 02:11-ին (Երևանի ժամանակով ժամը 11:14-ին) ոստիկանություն ահազանգ է ստացվել «Տաբու» գիշերային ակումբում հրաձգության մասին։ Ինչպես նշվում է, ինչ-որ մեկը կրակ է բացել ավտոկայանատեղիում։

«Մենք ունենք վեց տուժած, նրանցից մեկի վիճակը ծանր է»,- ասել է Ֆինները։

Ոստիկանության տվյալներով՝ տուժածը, որը գտնվում է ծայրահեղ ծանր վիճակում, տեղափոխվել է հիվանդանոց, մնացածների կյանքին վտանգ չի սպառնում։

Կրակողը դեռ ձերբակալված չէ, կատարվում է հետաքննություն։