Ադրբեջանը թույլ չի տա իր տարածքն օգտագործել հարևան երկրների դեմ հարձակումների համար. Հաջիև

Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը հայտարարել է, որ Ադրբեջանը երբեք թույլ չի տա, որպեսզի իր տարածքն օգտագործվի այլ պետությունների դեմ հարձակումներ կազմակերպելու համար։

Նա ընդգծել է, որ Իրանը եղբայրական երկիր է Ադրբեջանի համար, և Բաքուն հավատարիմ է հարևանների հետ բարիդրացիական հարաբերությունների պահպանման սկզբունքին։

Թուրքական Milliyet պարբերականի հետ զրույցում Հաջիևը նշել է, որ Ադրբեջանի տարածքը գտնվում է բացառապես երկրի ինքնիշխանության ներքո, և հանրապետությունը երբեք թույլ չի տա, որ իր տարածքից հարձակում իրականացվի որևէ հարևան պետության դեմ։

Նրա խոսքով՝ այս մոտեցումն արտացոլում է Ադրբեջանի հանձնառությունը միջազգային իրավունքի նորմերին և տարածաշրջանային կայունությանը։