ՏԵՍԱՆՅՈՒԹ. Մի՛ կրկնեք նախորդ գումարման սխալները. Արայիկ Հարությունյանը՝ ընդդիմությանը

ԱԺ «Քաղաքացիական պայմանագիր» խմբակցության պատգամավոր Արայիկ Հարությունյանը կոչ է արել ընդդիմությանը չկրկնել նախորդ գումարման խորհրդարանի սխալները և կենտրոնանալ ոչ թե իշխանափոխության, այլ գաղափարների մրցակցության վրա։

Նրա խոսքով՝ իշխանությանը հաղթելու լավագույն ճանապարհը հանրությանը գաղափարներ ներկայացնելն ու հանրային օրակարգ ձևավորելն է։ Եթե իշխանությունն ընդունի այդ առաջարկները, ընդդիմությունը կարող է դրանք ներկայացնել որպես իր նախաձեռնություններ, իսկ եթե չընդունի՝ հաջորդ ընտրություններում քաղաքացիներից վստահություն խնդրել՝ նշելով, որ իր առաջարկները չեն իրականացվել։

Անդրադառնալով «Հայաստան» դաշինքին՝ Հարությունյանը նաև հորդորել է չտրվել «կոնստրուկտիվ խաղերի» և չկրկնել նախկին ընդդիմության սխալները։