Ռուսական թելեգրամյան ալիքները հայտնում են այսօր առավոտյան Մոսկվայի մարզում խոցված ավելի քան տասը անօդաչու թռչող սարքերի մասին։

Նոր Մոսկվայի Ատլասովա փողոցում անօդաչու թռչող սարքը բախվել է բարձրահարկ շենքին, պայթյունի հետևանքով մի քանի բնակարանների պատուհաններ դուրս են թռել։

Մեկ այլ անօդաչու թռչող սարք է թռել Մոսկվայի Լենինսկի պողոտայի բազմաբնակարան շենքի ուղղությամբ։ Այն բախվել էր 13-րդ հարկի բնակարաններից մեկի պատուհանին. Այժմ այդ հատվածը շրջափակված է, աշխատում են արտակարգ իրավիճակների ծառայությունները։ 

Որոշ թելեգրամյան ալիքներ հաղորդում են, որ Լենինսկի պողոտայում կան տուժածներ։ Դեպքի վայր են մեկնել շտապօգնության մի քանի մեքենաներ։ 
 

Հրապարակված կադրերում երևում է Ռուբլյովկայի երկնքում ԱԹՍ-ի խոցման պահը։