ՏԵՍԱՆՅՈՒԹ․ ԱԹՍ-ներով հարձակում՝ Մերձմոսկվայում․ աշխատում է ՀՕՊ-ը․ ինչ է հայտնի

Այսօր վաղ առավոտյան ԱԹՍ-ներով հարվածներ են հասցվել Մերձմոսկվայի բնակելի տների ուղղությամբ․ Այս մասին գրում է RTVI-ը, նշվում է, որ Մոսկվայի մարզում գործում է հակաօդային պաշտպանությունը։

Մասնավորապես նշվում է, որ Նովոմոսկովսկի շրջանի Ատլասնայա փողոցում գտնվող բնակելի շենքի 25-րդ հարկին մեկ անօդաչու թռչող սարք է բախվել, գրում է SHOT-ը՝ հղում անելով իր աղբյուրին։ Թելեգրամյան ալիքի տվյալներով՝ պայթյունի հետևանքով վնասվել է հատակի սալիկը, զոհեր և վիրավորներ չկան։ 

Երկրորդ անօդաչու թռչող սարքը հարվածել է Մոսկվայի Պրոֆսոյուզնայա փողոցի բարձրահարկ շենքին՝ բախվելով 16-րդ հարկի բնակարանի պատուհաններին։ Տուժածներ չկան, ամբողջ մուտքը տարհանվել է։ 

Թելեգրամյան ալիքի աղբյուրը հայտնում է, որ երկրորդ անօդաչու թռչող սարքը կրել է KZ-6 կուտակային լիցք, որը, բախտի բերմամբ, չի պայթել։ Նման լիցքը, պարզաբանում է SHOT-ը, ճեղքում է մինչև կես մետր հաստությամբ երկաթբետոնե սալերը։ 

Մեկ այլ անօդաչու թռչող սարք ավելի վաղ հարվածել էր Լենինսկի պողոտայի տներից մեկի վրա, պնդում է 112-ը: 

Baza-ն գրում է Մոսկվայի մարզում հակաօդային պաշտպանության աշխատանքի մասին, ըստ նրանց՝ Իստրայի վրայով մի քանի անօդաչու թռչող սարքեր են խոցվել։ Ականատեսները թելեգրամյան ալիքին պատմել են Նեմչինովկա, Օդինցովո և Բարվիխա շրջաններում պայթյունների ձայների մասին։ 

Ռուբլևո-Ուսպենսկոե մայրուղու վրա բնակիչները նկատել են թռչող անօդաչու սարքեր: Baza-ի նախնական տվյալներով՝ Նովայա Ռիգայի վրայով դեպի Մոսկվա թռչող անօդաչու թռչող սարքն արդեն խփվել է։ 

Ինչպես հայտնում է SHOT-ը՝ վկայակոչելով աղբյուրին, հարավ-արևմուտքից Մոսկվային մոտենալիս 4 անօդաչու թռչող սարք են խոցել։

ТАСС-ի հաղորդմամբ՝ Մոսկվայի քաղաքապետ Սերգեյ Սոբյանինը նշել է, որ Մոսկվայում անօդաչու թռչող սարքի հարձակման պատճառով մի քանի շենքեր փոքր վնասներ են կրել։ Ոչ ոք լուրջ վնասվածքներ չի ստացել։