Փաշինյանը հունիսի 7-9-ը կմեկնի Սոչի
ՀՀ վարչապետ Նիկոլ Փաշինյանը հունիսի 7-9-ը կմեկնի Սոչի, Armenia Today-ի հետ զրույցում հաստատեց վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը։ Նրա տեղեկություններով՝ վարչապետը կմասնակցի Եվրասիական միջկառավարական խորհրդի նիստին։
Մայիսի 25-ին Մոսկվայում տեղի էր ունեցել ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպումը, որի ընթացքում կողմերը քննարկել էին տարածաշրջանային տրանսպորտային և տնտեսական ենթակառուցվածքների ապաշրջափակման հարցեր, ինչպես նաև պայմանավորվածություն էր ձեռք բերվել երեք երկրների փոխվարչապետերի հանդիպման շրջանակներում մեկ շաբաթից շարունակել աշխատանքները։
