![Մխիթարյանը կմասնակցի՞ Չեմպիոնների լիգայի եզրափակիչին](https://auroranews.am/storage/img/base_image/old/af35b14bae89ff4d0b29ecf521de1ae2.webp)
Մխիթարյանը կմասնակցի՞ Չեմպիոնների լիգայի եզրափակիչին
![Մխիթարյանը կմասնակցի՞ Չեմպիոնների լիգայի եզրափակիչին](https://auroranews.am/storage/img/base_image/old/af35b14bae89ff4d0b29ecf521de1ae2.webp)
Ստամբուլում հունիսի 10-ին կայանալու է անգլիական «Մանչեսթեր Սիթիի» և իտալական «Ինտերի» միջև Չեմպիոնների լիգայի եզրափակիչ խաղը։
Իտալական La Gazzetta dello Sport-ի տեղեկություններով՝ «Ինտերի» հայ ֆուտբոլիստ Հենրիխ Մխիթարյանը կհասցնի վերականգնվել ակումբային ամենահեղինակավոր մրցաշարի եզրափակիչին մասնակցելու համար։ Նշվում է, որ Մխիթարյանը կապաքինվի վնասվածքից մինչև եզրափակիչը ու կհայտավորվի խաղին, սակայն կարող է մեկնարկային կազմում չլինել։ Բայց այդ դեպքում էլ խաղին հաստատ կմասնակցի՝ դուրս գալով փոխարինման։
Հիշեցնենք, որ հայ ֆուտբոլիստը մայիսի 16-ին Չեմպիոնների լիգայի կիսաեզրափակիչում՝ «Միլանի» հետ պատասխան խաղում վնասվածք ստացավ ու փոխարինվեց խաղի 44-րդ րոպեին։ Մխիթարյանը ձախ ազդրի քառագլուխ մկանի վնասվածք էր ստացել, ինչի հետևանքով Հենրիխը բաց թողեց հանդիպումները Ա Սերիայի «Նապոլիի» և Իտալիայի գավաթի խաղարկության եզրափակիչը «Ֆիորենտինայի» դեմ։