Իբրահիմովիչը հեռանում է ֆուտբոլից․ նա հայտարարություն է արել

Շվեդ ֆուտբոլիստ Զլատան Իբրահիմովիչը հայտարարել է կարիերան ավարտելու մասին։ Նա հայտարարություն է արել Իտալիայի առաջնության եզրափակիչ տուրի՝ «Միլան»-«Վերոնա» (3:1) հանդիպումից հետո. 

«Ես հրաժեշտ եմ տալիս ֆուտբոլին, բայց ոչ ձեզ»,- ասել է նա,- «Հիմա ես չափազանց շատ էմոցիաներ ունեմ։ Առա՛ջ, «Միլան», և ցտեսություն»։

Շվեդ ֆուտբոլիստը «Միլանում» հանդես է գալիս 2020 թվականից։ Իտալական ակումբն ավելի վաղ՝ հունիսին, հայտարարել էր հարձակվողից բաժանվելու մասին: Այս մրցաշրջանում նա գրեթե չէր խաղում վնասվածքի և ծնկի վիրահատությունից հետո ապաքինվելու պատճառով: 

41-ամյա Զլատան Իբրահիմովիչը Իտալիայի, Հոլանդիայի, Իսպանիայի և Ֆրանսիայի չեմպիոն է, խաղացել է շվեդական «Մալմյոյում», հոլանդական «Այաքսում», իտալական «Յուվենտուսում», «Ինտերում», «Միլանում», իսպանական «Բարսելոնայում», ֆրանսիական «ՊՍԺ»-ում, անգլիական «Մանչեսթեր Յունայթեդ»-ում և ամերիկյան «Լոս Անջելես Գելեքսի»-իում։ 62 գոլ է խփել Շվեդիայի հավաքականի կազմում և թիմի բոլոր ժամանակների լավագույն ռմբարկուն է: