Ուկրաինայում հակամարտությունը չպետք է սառեցվի․ Պեսկով
Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Ռուսաստանի Դաշնությունը հավատարիմ է այն դիրքորոշմանը, որ Ուկրաինայում հակամարտությունը չպետք է սառեցվի: Այս մասին հայտնում է ՏԱՍՍ-ը։
«Ռուսաստանը համերաշխ է»,- ասել է նա՝ պատասխանելով հարցին, թե արդյոք Ռուսաստանի Դաշնությունը համերաշխ է Արևմուտքի հետ, որ չպետք է թույլ տալ, որ ուկրաինական հակամարտությունը սառեցվի։
Պեսկովի խոսքով ՝ Ռուսաստանի Դաշնությունը դիտարկում է միայն հատուկ ռազմական գործողության ավարտման հնարավորությունը՝ ապահովելով սեփական շահերը, հասնելով Ռուսաստանի առջև դրված նպատակներին:
Նշվում է, որ ավելի վաղ Գերմանիայի կանցլեր Օլաֆ Շոլցը հայտարարել էր, որ Ուկրաինայում տիրող իրավիճակի շուրջ խաղաղ բանակցությունների անցկացումը չպետք է նպատակ ունենա սառեցնելու հակամարտությունը։ Ուկրաինայի արտաքին գործերի նախարար Դմիտրի Կուլեբան նույնպես հայտարարել էր ուկրաինական հակամարտության սառեցման անընդունելիության մասին։
Հիշեցնենք՝ Ուկրաինայում շարունակվում է Ռուսաստանի Դաշնության զինված ուժերի հատուկ գործողությունը։
