Հայտնի է, թե ով է հաղթել Հունաստանում խորհրդարանական ընտրություններում
Հունաստանում խորհրդարանական ընտրություններում հաղթել է «Նոր դեմոկրատիա» կուսակցությունը՝ գործող վարչապետ Կիրիակոս Միցոտակիսի գլխավորությամբ։ Ըստ պաշտոնական տվյալների՝ քվեաթերթիկների 97%-ը մշակելուց հետո նա ստացել է ձայների 41%-ը, այսինքն՝ 146 մանդատ խորհրդարանում։ Հայտնում է Euronews-ը։
Երկրորդ տեղում ընդդիմադիր կուսակցությունն է, որը գլխավորում է Հունաստանի նախկին վարչապետ Ալեքսիս Ցիպրասը։ Նրա օգտին քվեարկել է ընտրողների 20%-ը։ Սա նրան տալիս է 71 մանդատ:
Երրորդ տեղում սոցիալիստներն են և նրանց առաջնորդ Նիկոս Անդրուլակիսը։ Նա հավաքել է ձայների 12%-ը, 41 մանդատ խորհրդարանում։
Հիշեցնենք, որ Հունաստանում խորհրդարանական ընտրությունները կայացել են կիրակի օրը՝ մայիսի 21-ին։
