Քաղաքականություն

«Հայաստանն ավելի կայուն իրավիճակ կունենար՝ տեղակայելով ՀԱՊԿ դիտորդական առաքելությունը». Լավրով

«Հայաստանն ավելի կայուն իրավիճակ կունենար՝ տեղակայելով ՀԱՊԿ դիտորդական առաքելությունը». Լավրով
ՌԴ ԱԳ նախարար Սերգեյ Լավրովը «Ցարգրադ» հեռուստաալիքին տված հարցազրույցում անդրադարձել է Հայաստանում տիրող իրավիճակին: «Երևանն, ստորագրելով ՀԱՊԿ դիտորդական առաքելության տեղակայման մասին փաստաթուղթը…

ՌԴ ԱԳ նախարար Սերգեյ Լավրովը «Ցարգրադ» հեռուստաալիքին տված հարցազրույցում անդրադարձել է Հայաստանում տիրող իրավիճակին: 

 

«Երևանն, ստորագրելով ՀԱՊԿ դիտորդական առաքելության տեղակայման մասին փաստաթուղթը, ավելի կայուն իրավիճակ կունենար»- ասել է Լավրովը, ապա հավելել.

 

«2022թ․ աշնանը Երևանում կայանալիք ՀԱՊԿ գագաթաժողովի համար փաստաթուղթ էր պատրաստվել Հայաստանի տարածքում Հավաքական անվտանգության պայմանագրի կազմակերպության դիտորդական առաքելություն տեղակայելու մասին՝ մեր հայ դաշնակիցների խնդրանքին համապատասխան»:

 

«Եթե Երևանը հաստատեր արդեն համաձայնեցվածը և պատրաստ լիներ ստորագրմանն ու դրա՝ ուժի մեջ մտնելուն, համոզված եմ, որ Հայաստանը կշահեր և ավելի կայուն իրավիճակ կստանար»։

 

ՌԴ ԱԳՆ ղեկավարն ընդգծել է, որ փաստաթուղթը լիովին համաձայնեցվել է արտգործնախարարների մակարդակով․

 

«Այնուհետ, վերջին պահին, հենց գագաթաժողովում հայ ընկերները խնդրեցին հետաձգել դրա ընդունումը, և մինչ այժմ այն մնում է թղթային և չի կարող իրականացվել»։

 

Հիշեցնենք, որ ապրիլի 13-ին Հայաստանի վարչապետ Նիկոլ Փաշինյանը խորհրդարանում լրագրողներին ասել էր, որ Հայաստանը պատրաստ է հյուրընկալել ՀԱՊԿ առաքելությունը, սակայն քննարկումներն այս ուղղությամբ շարունակվում են։
 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8062) Միջազգային (3537) ԱՄՆ (2371) Ռուսաստան (2265) Իրան (1787) Ընտրություններ (1285) Ուկրաինա (922) Երևան (821) Իսրայել (767) Ադրբեջան (680) Փաշինյան (600) Եվրոպա (530) Ազգային ժողով (504) Ընդդիմություն (484) Թրամփ (453)

Radio Aurora

Լսել Radio Aurora

Գովազդային տարածք

300x250