Եվրամիությունը պետք է միջոցներ ձեռնարկի Հնդկաստանի դեմ. Ժոզեպ Բորել
Եվրամիությունը պետք է միջոցներ ձեռնարկի Հնդկաստանի դեմ, որն իբր վերամշակում է ՌԴ-ից ստացվող նավթը` Եվրոպայում վաճառելու համար։
Այս մասին Financial Times թերթին ասել է ԵՄ դիվանագիտության ղեկավար Ժոզեպ Բորելը։
Բորելի խոսքով` G7-ի երկրների կողմից ռուսական նավթի գնային շեմ սահմանելու պատճառով Հնդկաստանը հնարավորություն է ստացել օգտվել ավելի էժան հումքից։
«Այն, որ Հնդկաստանը ռուսական նավթ է գնում, նորմալ է... Բայց եթե նրանք դա օգտագործում են, որպեսզի դառնան կենտրոն, որը վերամշակում է ռուսական նավթը, իսկ ենթամթերքները վաճառում է մեզ, ուրեմն մենք պետք է գործենք»,-հավելել է Բորելը։
