«Անկլավների վերաբերյալ քննարկման մասին տեղյակ չեմ». ԱԳ փոխնախարար

Հայաստանի տարածքում գտնվող «ադրբեջանական անկլավների» վերադարձի մասին քննարկում չի ընթանում։ Այս մասին հայտարարել է ՀՀ փոխարտգործնախարար Պարույր Հովհաննիսյանը՝ պատասխանելով լրագրողի հարցին։

«Անկլավների վերաբերյալ քննարկման մասին տեղյակ չեմ, նման քննարկումների մասին ընդհանրապես վերջին շրջանում ու նաև նախկինում, տեղեկություն չունեմ»: 

Անդրադառնալով Եվրոպական խորհրդի նախագահ Շառլ Միշելի հայտարարությանը՝ փոխնախարարը նշել է, որ հայ գերիների վերաբերյալ կան պայմանավորվածություններ, որոնք պետք է կատարվեն: 

«Ինչ վերաբերում է տարածքային հարցերին, Միշելի ուղերձն այն էր, որ երկու երկրները պետք է երկուստեք ճանաչեն տարածքային ամբողջականությունը, այսինքն՝ սահմանները, որոնք գոյություն ունեին Սովետական միության փլուզման պահին, ինչը համապատասխանում է Ալմաթիի հայտարարությանը»,- ասել է Հովհաննիսյանը: