Ուկրաինայի Զինված ուժերը ներկայումս «պատռում են թևերը»․ Պրիգոժին
Ուկրաինայի Զինված ուժերը ներկայումս «պատռում են թեւերը» Արտյոմովսկի ուղղությամբ, վերախմբավորվում են Զապորոժյեում եւ առաջիկայում հակահարձակման կանցնեն։ Այս մասին հայտարարել է «Վագներ» մասնավոր ռազմական ընկերության հիմնադիր Եվգենի Պրիգոժինը, համապատասխան տեսանյութը երեքշաբթի հրապարակվել է նրա մամուլի ծառայության Telegram ալիքում։
«Այսօր նրանք (ուկրաինական զորքերը) պատռում են թեւերը Արտյոմովսկի ուղղությամբ, վերախմբավորվում են Զապորոժյեում եւ առաջիկայում հակահարձակման կանցնեն: Նրանք շատ հստակ ասում են․ հակահարձակումը կլինի հողի վրա, այլ ոչ թե հեռուստացույցով», - նշել է նա։
ՄՌԸ «Վագները» չի լքի Արտյոմովսկը (ուկրաինական անվանումը՝ Բախմուտ) եւս մի քանի օր, չնայած նրան, որ ստացել է պահանջված արկերի միայն 10 տոկոսը, ասել է Պրիգոժինը։ Նա նաեւ հավելել է, որ ռուսական ուժերին Արտյոմովսկում մնացել է վերահսկողության տակ առնել 2 քկմ։
«Այժմ գլխավոր խնդիրը պահեստներում գտնվող զինամթերքով բոլորին ապահովելն է: Մայիսի 7-ին մեզ խոստացել էին, որ կտրվեն։ Մայիսի 8-ին՝ գիշերվա ժամը երկուսին մարտական հրաման է ստացվել, որում գրված էր՝ «տալ ամեն ինչ»։ Այսօր մայիսի 9-ն է։ 8-ին ժողով է եղել, որի ժամանակ մեզ տվել են պահանջվածի 10 տոկոսը։ Մեզ ուղղակի անամոթաբար խաբել են: Մենք չենք լքի Արտյոմովսկը, կպնդենք եւս մի քանի օր»,- Պրիգոժինի խոսքը մեջբերում է նրա մամուլի ծառայությունը։
Հիշեցնենք, որ «Վագներ» ՄՌԸ հիմնադիր Եվգենի Պրիգոժինի նախօրեին հայտնել էր, որ երկուշաբթի՝ մայիսի 8-ին, Արտյոմովսկում (Բախմուտ) ստորաբաժանումները առաջ են անցել 130 մետր։
