Երևանի քաղաքապետարանը «Նեմեսիսի» արձանը քանդելու խնդիր և մտադրություն չունի. ԶԼՄ
Երևանի քաղաքապետարանը «Նեմեսիս» գործողության հերոսների հուշարձանը քանդելու մտադրություն չունի։ Այս թեմայով Sputnik Արմենիայի հետ զրույցում նշել է Երևանի քաղաքապետարանի լրատվության վարչության պետ Լևոն Սարդարյանը։
Ապրիլի 29-ին հայտնի էր դարձել, որ Անկարան, առանց նախնական ծանուցման, չեղյալ է համարել Flyone Armenia-ին նախկինում տրված թույլտվությունը Թուրքիայի օդային տարածքով դեպի Եվրոպա թռիչքներ իրականացնելու համար՝ դա բացատրելով Երևանում «Նեմեսիս» գործողության հերոսների հուշարձանի բացմամբ։ Դրանից հետո Թուրքիայի արտգործնախարար Մևլութ Չավուշօղլուն հայտարարել է, թե Հայաստանը պետք է ապամոնտաժի Երևանում տեղադրված հուշարձանը։
«Երևանի քաղաքապետարանը «Նեմեսիսի» արձանը քանդելու խնդիր և մտադրություն չունի»,–ասաց Սարդարյանը։
Երևանի օղակաձև զբոսայգում «Նեմեսիս» գործողության հերոսներին նվիրված աղբյուր–հուշակոթողը տեղադրելու որոշումը կայացվել է 2021 թվականի սեպտեմբերի 14-ին։
Նշենք, որ ՀՀ վարչապետ Նիկոլ Փաշինյանը, խոսելով «Նեմեսիս» հուշարձանի տեղադրման մասին, նշել էր` կայացվել է սխալ որոշում։
Մանրամասները` սկզբնաղբյուր կայքում:
