Մարկ Ցուկերբերգը ջիու-ջիցուի մրցաշարում ոսկե ու արծաթե մեդալներ է նվաճել

Meta ընկերության գործադիր տնօրեն Մարկ Ցուկերբերգը սոցիալական ցանցերում հրապարակել է բրազիլական ջիու-ջիցուի մրցաշարին իր առաջին մասնակցության լուսանկարները: Հայտնի է, որ միլարդատերը ոսկե և արծաթե մեդալներ է նվաճել: Այս մասին հայտնում է NDTV-ն։

Մրցույթի արդյունքում Մարկ Ցուկերբերգը ստացել է մի քանի մրցանակ՝ Guerrilla Jiu Jitsu ակադեմիայի կազմում թիմային ելույթներում գրավելով առաջին և երկրորդ տեղերը։ Նրա մարզիչը մարտարվեստի հայտնի վարպետ Դեյվ Կամարիլոն է, որին միլիարդատերը սոցցանցերում շնորհակալություն է հայտնել։

Մարկ Ցուկերբերգի հրապարակման մեկնաբանություններում օգտատերերը գովել և շնորհավորել են նրան առաջին հաղթանակի կապակցությամբ։ Ինչպես ավելի վաղ ասել էր Ցուկերբերգը, նրա հետաքրքրությունը խառը մարտարվեստների նկատմամբ ի հայտ է եկել համավարակի ժամանակ։ Այն ժամանակ նա ուժերը փորձել էր ըմբշամարտում։