Բլինքենն ու Ալիևը հեռախոսազրույց են ունեցել․ քննարկվել է Լաչինի միջանցքում անցակետի տեղադրումը

ԱՄՆ պետքարտուղար Էնթոնի Բլինկքենն ու Ադրբեջանի նախագահ Իլհամ Ալիևը հեռախոսազրույց են ունեցել, որի ընթացքում ԱՄՆ պետքարտուղարն ընդգծել է ադրբեջանա-հայկական խաղաղ բանակցությունների կարևորությունը և խոստացել ԱՄՆ-ի շարունակական աջակցությունը։ Այս մասին ասվում է ԱՄՆ Պետդեպարտամենտի պաշտոնական ներկայացուցիչ Մեթյու Միլլերի հայտարարության մեջ։

«Նա նաև հայտնել է Միացյալ Նահանգների խորը մտահոգությունը Ադրբեջանի կողմից Լաչինի միջանցքում անցակետի տեղադրման կապակցությամբ», - նշվում է հաղորդագրության մեջ։

ԱՄՆ պետքարտուղարը նշել է, որ այն խաթարում է խաղաղ գործընթացում վստահության ամրապնդմանն ուղղված ջանքերը, և ընդգծել է Լաչինի միջանցքի որքան հնարավոր է շուտ բացելու կարևորությունը։