ՏԵՍԱՆՅՈՒԹ. «10 րոպե կխոսեմ, ոչ մի հարցի չեմ պատասխանի և ուրախ կհեռանամ». Բայդեն
Միջազգային ԶԼՄ-ները պատմել են ԱՄՆ նախագահ Ջո Բայդենի ելույթի մասին Սպիտակ տան թղթակիցների ասոցիացիայի ամենամյա ընթրիքին, որտեղ նա, մասնավորապես, կատակել է իր տարիքի մասին եւ լրատվամիջոցներին մեղադրել «հանուն շահույթի եւ իշխանության» ստելու մեջ:
Ինչպես նշում է BBC-ն, ԱՄՆ 80-ամյա նախագահը հայտարարել է, որ Ֆոքս Նյուզ հեռուստաընկերության նախագահ 92-ամյա Ռուպերտ Մերդոքն իրեն ստիպում է իրեն զգալ որպես 29-ամյա երգիչ Հարի Սթայլս:
Բայդենը նաև ելույթի ընթացքում նշել է.
«Շատ առումներով այս ընթրիքն ամփոփում է իմ առաջին երկու տարիները այս պաշտոնում: Ես տասը րոպե կխոսեմ, ոչ մի հարցի չեմ պատասխանի և ուրախ կհեռանամ»։
