Ռուսաստանն ու Թուրքիան աշխատում են վճարային համակարգի շուր, որի շնորհիվ ռուս զբոսաշրջիկները կկարողանան Հանրապետությունում օգտվել բանկային քարտերից։  Այս մասին ուրբաթ հայտնել է Hurriyet թերթը։

Հրապարակման համաձայն, որը հղում է անում Թուրքիայի նախագահի աշխատակազմի աղբյուրներին, Ռեջեփ Թայիփ Էրդողանի և ՌԴ նախագահ Վլադիմիր Պուտինի բանակցություններում քննարկվել է վճարային համակարգի ստեղծման հարցը։

Ըստ Hurriyet-ի՝ վճարային համակարգը կկոչվի Rebit:  Նրա հայտնվելուց հետո ռուս զբոսաշրջիկները կկարողանան բջջային հեռախոսների վրա տեղադրել հավելված, որը թույլ կտա Թուրքիայում օգտվել բանկային քարտերից։

Հիշեցնենք, որ ապրիլի 27-ին Պուտինը հեռախոսազրույց է ունեցել Էրդողանի հետ։

Զրույցի ընթացքում Թուրքիայի ղեկավարն առաջարկել է ՌԴ նախագահին աշխատել հացահատիկի գործարքների շուրջ նոր նախաձեռնությունների ուղղությամբ և ստեղծել աշխատանքային խումբ։