Բրազիլիայի նախագահը կոչ է անում համաշխարհային առևտրում հրաժարվել դոլարից
Բրազիլիայի նախագահ Լուլա դա Սիլվան առաջարկել է միջազգային առևտրում հրաժարվել դոլարից։ Այս մասին նա հայտարարել է ապրիլի 13-ին Չինաստան կատարած այցի ժամանակ։
«Ո՞վ որոշեց, որ մեր արժույթները թույլ են և արժեք չունեն այլ երկրներում: Ո՞վ որոշեց, որ դոլարը դարձավ հիմնական արժույթը ոսկու ստանդարտի վերացումից հետո»,- ասել է նա Շանհայի Նոր զարգացման բանկում ելույթի ժամանակ։
Դա Սիլվան հրավիրել է ԲՐԻՔՍ-ի երկրներին մշակել սեփական արժույթը, որը կարող է օգտագործվել համաշխարհային առևտրում։
Մինչ այս՝ ապրիլի 11-ին, Ֆիլիպինների Կենտրոնական բանկի ղեկավար Ֆելիպե Մեդալլան հայտարարել էր, որ ԱՄՆ դոլարի գերակայությունը ժամանակի ընթացքում ավելի ու ավելի կնվազի։ Նա նաև հանդես է եկել SWIFT միջազգային միջբանկային համակարգի այլընտրանք ստեղծելու օգտին։
