ՏԵՍԱՆՅՈՒԹ. Փաշինյանը նոր մանրամասներ հայտնեց ՀՀ սահմանը հատած ադրբեջանցի երկրորդ զինվորի մասին
Ամենևին էլ փաստ չէ, որ ՀՀ սահմանը հատած ադրբեջանցի զինծառայողը ցանկանում է վերադառնալ Ադրբեջան։ ԱԺ-ում կառավարության հետ հարցուպատասխանի ժամանակ այս հայտարարությունն է արել ՀՀ վարչապետ Նիկոլ Փաշինյանը։
«Կատարված քննչական գործողությունների արդյունքում անկհայտ է, որ Ադրբեջանի բանակի զինվորը փախուստի է դիմել իրենց դիրքերից իր ծառայակցի հետ` մյուս համածառայակիցների կողմից նվաստացումների ու ճնշումների ենթարկվելու հետևանքով։ Ըստ մեր ունեցած տվյալների` երկրորդ զինվորը, որը փնտրվում է, սահմանը հատելուց շատ չանցած` սահմանամերձ գյուղում ասել է, որ փոշմանել է և ուզում է վերադառնալ։ Գոնե այս պահին զինվորը հետ գնալու ցանկություն չի հայտնել»,–ասել է Փաշինյանը։
Նրա խոսքով` կան քննարկումներ, թե ինչպես է, որ զինվորներն անարգել հատել են սահմանը և հասել ՀՀ. այդ հանգամանքը պետք է առանձին քննվի և հետևություններ արվեն սահմանային անվտանգությունն ապահովելու համար։
Վարչապետն ասել է, որ ըստ իրենց տեղեկությունների` երկրորդ զինվորը սահմանն անցնելուց քիչ անց փոշմանել և հետ է վերադարձել:
Մանրամասները` տեսանյութում:
Հիշեցնենք, որ ապրիլի 10-ին Սիսիանի Բնունիս համայնքում ադրբեջանցիներ են հայտնվել: Բնակիչներից մեկի դռան զանգն են տվել, դուռը բացած կինն անմիջապես դիմել է ոստիկանություն։ Ավելի ուշ ՊՆ հաստատեց տեղեկությունը` նշելով որ ՀՀ տարածքում հայտնաբերվել և ձերբակալվել է Ադրբեջանի ԶՈւ մեկ զինծառայող, իսկ մեկին որոնում են։
