ՏԵՍԱՆՅՈՒԹ. «Արտառոց չի». Աղազարյանը` ադրբեջանցիների` ՀՀ տարածքում խորանալու մասին
Իհարկե՝ ինձ անվտանգ եմ զգում, նման երեւույթներ կարող են լինել: Այս մասին ԱԺ-ում NEWS.am-ի հետ զրույցում նշեց ՔՊ խմբակցության պտգամավոր Հովիկ Աղազարյանը՝ անդրադառնալով նրան, որ նախօրեին ադրբեջանցի զինծառայողներ են ներթափանցել Հայաստանի տարածք, մտել գյուղեր, որոնցից մեկը ձերբակալվել է:
«Ես չգիտեմ՝ իրապես այդ զինվորականները շփոթվել են, կորցրել են օրիենտիրը, թե այլ դավադրական նպատակներ ունեն: Հատուկ ծառայություններ կան, որոնք դրանով զբաղվում են եւ կպարզեն»,-ասաց Աղազարյանը:
Հարցին, թե ինչպե՞ս է ստացվել, որ այդքան խորացել են Հայաստանի տարածքում, նա պատասխանեց.
«Դա այդքան դժվար բան չի: Շատ հավանական է, որ իրենց ծնողներն այդ մասերում ապրել են եւ մանրամասն ունեն տեղեկատվություն, թե ոնց, որտեղ, ուր գնան: Հետեւաբար դա շատ արտառոց բան չի: Վատ բան է, բայց արտառոց չի»:
Մանրամասները` տեսանյութում:
