Թուրքիայում ադրբեջանցի գործարար է սպանվել
Թուրքիայում ադրբեջանցի գործարար է սպանվել։ Միջադեպը գրանցվել է Թուրքիայի մայրաքաղաք Անկարայի Ենիմահալլե թաղամասում։ Ծխախոտի արտադրանքի վաճառքով զբաղվող 30-ամյա ադրբեջանցի Շամիլ Խալիդի և նրա բիզնես գործընկեր Ահմեդ Դիքբաշի միջև վեճ է ծագել։ Հայտնում են տեղական լրատվամիջոցները։
Վեճի ժամանակ Ա.Դիքբաշը ատրճանակից կրակել է Շամիլի վրա։ Վիրավորը փորձել է փախչել և թաքնվել բանջարեղենի խանութներից մեկում, սակայն Ախմեթ Դիքբաշը հասել է նրան և ևս երեք կրակոց արձակել սրտի շրջանում։ Ադրբեջանցի գործարարը տեղափոխվել է հիվանդանոց, որտեղ, գիտակցության չգալով, մահացել է:
Նախնական վարկածով՝ սպանության պատճառը եղել է այն, որ բիզնես գործընկերները չեն կարողացել կիսել հասույթը։
